Netos de galegos en Arxentina impulsan unha lei para lembrar os republicanos
Un deputado, fillo de galegos, presentará unha proposta para que se instaure o Día Nacional do Exiliado Español en Arxentina. O proxecto lexislativo destaca o traballo realizado polos galegos a prol da República.
Por Galicia Confidencial | Buenos Aires | 14/04/2014
Este 14 de abril, 83 anivesario da proclamación da II República Española, o deputado arxentino Jorge Rivas, que é fillo de galegos, presenta na Cámara de Diputados del Congreso Nacional Argentino un de lei para intituir o 14 de Abril como Día Nacional do Exiliado Español en la República Argentina¨.
Deste xeito, en Buenos Aires, ademais das tradicionais conmemoracións pola proclamación da II República Española, como a convocada no Centro Betanzos de Bos Aires, vaise presentar unha proposta para homenaxear aos exiliados galegos e españois en Arxentina.
A iniciativa do diputado socialista Jorge Rivas e a Agrupación política Federico García Lorca esta acompañada polos denunciantes dos Crímenes Franquistas na xustiza arxentina e militantes republicanos no país austral. Entre os impulsores destaca a presenza de fillos e netos de galegos.
O papel dos galegos republicanos en Arxentina
O proxecto de lei resalta nos seus fundamentos a pegada histórica que deixaron os exiliados españois na política e cultura arxentina resaltando e, especialmente, o papel que tiveron os galegos. Tras nomear a figuras como Rafael Alberti, Alejandro Casona e Manuel de Falla sinala a destacada labor editorial dos galegos que ¨fundaron en Buenos Aires las editoriales Emecé, Sudamericana y Botella al Mar, y quienes editaron la revista De mar a mar”.
A conmemoración do 14 de abril como expresa o proxecto constituen tamén unha homenaxe “a todos aquellos inmigrantes españoles que se vieron obligados a abandonar su patria en busca de un mejor porvenir, y con el objeto de no olvidar las desgracias que ocasiona a un pueblo una guerra entre hermanos¨. E ten como propósito ¨invitar a la reflexión sobre las consecuencias que lleva la ruptura de los procesos democráticos y la pérdida de los valores constitucionales¨.
Así mesmo os impulsores manifestan que a institución do Día do exiliado español "Indefectiblemente nos llevará a recordar en este día y en todo el territorio de la República Argentina, también a l@s desaparecid@s, asesinad@s, perseguid@s y ultrajad@s por el régimen Franquista. Reflexionar sobre las problemáticas actuales provocadas por la falta de Memoria, Verdad y Justicia en España¨ que segundo a perspectiva deles ten como consecuencia que España hoxe estea ¨ a la deriva sin poder recuperar la identidad política y cultural que la II República supo construir en base a las necesidades de su pueblo".
Nova de FRM
No hay comentarios:
Publicar un comentario